चितवनमा ट्रकको ठक्करबाट एकको मृत्यु
चितवन : पूर्वी चितवनको राप्ती नगरपालिका–२, गड्यौलीस्थित पूर्व पश्चिम लोकमार्गमा बुधबार बिहान ट्रकको ठक्करबाट एक महिलाको मृत्यु भएको छ ।
चितवनको जिल्ला प्रहरी कार्यालयले दिएको जानकारी अनुसार नेपालगन्जबाट विराटनगरतर्फ जाँदै गरेको ना ६ ख २१७४ नंको ट्रकले ठक्कर दिँदा स्थानीय ७० वर्षीया पार्वती बर्तौलाको घटनास्थलमा नै मृत्यु भएकोले ट्रक र चालकलाई प्रहरीले नियन्त्रणमा लिएको छ ।
