उड्डयन प्राधिकरण कर्मचारी युनियनको अध्यक्षमा गुप्ता निर्वाचित
काठमाण्डौ : नागरिक उड्डयन प्राधिकरण अन्तरगतका मधेश तराई कर्मचारी युनियनको अध्यक्षमा सुनसरीका अनिल गुप्ता निर्वाचित भएका छन् । उनी यसअघि कार्यबाहक अध्यक्ष थिए । काठमाण्डौ स्थित तिनकुनमा सम्पन्न महाधिवेशनबाट उनी अध्यक्षमा निर्विरोध निर्वाचित भएका हुन् ।
कार्यक्रको उद्घाटन सत्रमा संघीय समाजवादी फोरमका अध्यक्ष उपेन्द्र यादव प्रमुख अथितिको रुपमा उपस्थित भएका थिए । महाधिवेशनको बन्द सत्रले नयाँ कार्यसमिति चयन गरेको हो ।
नयाँ कार्यसमिति अन्तरगत सुरेश मुरारका र सुजितकुमार साह उपाध्यक्ष, कम्लेशविक्रम साह सचिवि, मोहम्द कमर रेजा कोषाध्यक्षको रुपमा निर्वाचित भएका छन् । त्यसैगरि सदस्यहरुमा शेरबहादुर शाही, शंकरलाल दास, शैलेस गैरे, मिथिलेशकुमार साह, कमलेश पाण्डे र सुनिल साह रहेका छन् ।
