प्रदेश २ को एमाले संसदीय दलको नेतामा मण्डल निर्वाचित
धनुषा : प्रदेश नम्बर २ को लागि नेकपा (एमाले)को संसदीय दलको नेतामा सत्यनारायण मण्डल निर्वाचित भएका छन् ।
प्रदेश २ मा एमालेको संसदीय दलको नेताको लागि आज भएको मतदानमा मण्डल निर्वाचित भएको हो । दलको नेताको लागि दाबी गर्दै आएका मण्डल र शत्रुधन महतोबीच सर्वसहमति हुन नसकेपछि मतदान मार्फत संसदीय दलको नेता चयन गरिएको थियो ।
मतदानमा मण्डलले १२ मत प्राप्त गरी विजयी भएका हुन भने, महतोले आठ मत प्राप्त गरेका थिए । मतदानमा एक मत बदर भएको थियो ।
