अभिभावक नभएको बेला घरमा आगलागी हुँदा ३ बालिकाको मृत्यु
रसुवा : नौ कुण्ड गाउँपालिका-५ सिस्नेरीमा रहेको वीरबहादुर मोक्तानको घरमा आगलागी हुँदा जलेर ३ बालिकाको मृत्यु भएको छ । घटना शनिबार दिउँसो करिब सवा ३ बजे भएको हो । घरमा अभिभावक नभएको बेला आगलागी भएको हो । बालबालिकाले लाइटर बाल्ने क्रममा आगलागी हुन पुगेको प्रहरी अनुमान छ ।
मृत्यु हुनेमा मोक्तानका दुई छोरी ७ वर्षीया रिफुला, ३ वर्षीया मंगलीमाया र छिमेकी धनबहादुर मोक्तानका ६ वर्षकी छोरी अस्मिता मोक्तान रहेका जिल्ला प्रहरीक कार्यालय रसुवाका प्रमुख प्रहरी नायव उपरीक्षक शरद थापा क्षत्रीले बताए ।
