नव नियुक्त उच्च अदालतका चार मुख्य न्यायाधीशले लिए सपथ
काठमाडौँ : उच्च अदालतका लागि नव नियुक्त चार मुख्य न्यायाधीशले सपथ लिएका छन् । सर्वोच्च अदालतमा आयोजित एक समारोहका बीच चार न्यायाधीशले प्रधानन्यायाधीश गोपालप्रसाद पराजुलीबाट पद तथा गोपनियताको सपथ लिएका हुन् ।
न्याय परिषदेले पुस २० गते चार मुख्य न्यायाधीशको नाम सिफारिस गरेको थियो । न्याय परिषद्को सिफारिसमा प्रधानन्यायाधीशले मुख्य न्यायाधिसको नियुक्ति गर्ने संवैधानिक व्यवस्था छ । न्यायपरिषद्ले सुवेदीलाई उच्च अदालत तुलसीपुर, चापागाईंलाई जनकपुर, बस्याललाई दीपायल र पोखरेललाई सुर्खेतको उच्च अदालतको मुख्य न्यायाधिश नियुक्त गरिएको हो । प्रधानन्यायाधीश पराजुलीले मुख्य न्यायाधीश नहकुल सुवेदी, उदयप्रकाश चापागाई, यज्ञप्रसाद बस्याल र हरिकुमार पोखरेललाई सपथ गराएका हुन् ।
