बिहीबार एमाले अध्यक्ष ओली नेपाल फर्कने
काठमाडौँ : स्वास्थ्य उपचारका लागि थाइल्यान्डको बैंकक गएका एमाले अध्यक्ष केपी शर्मा ओली माघ ४ गते बिहीबार नेपाल फर्कने भएका छन् ।
नियमित स्वास्थ्य जाँचका सिलसिलामा ओली पुस २६ मा बैंकक गएका थिए । उनी माघ ४ गते विहीबार दिउँसो १२.३० मा स्वदेश फर्कने कार्यक्रम रहेको उनका प्रेस संयोजक चेतन अधिकारीले जानकारी दिएका छन्।
चिकित्सकले थप केही दिन उतै बस्न र आराम गर्न सल्लाह दिएपछि उनको बैंकक बसाइ लम्बिएको उनी निकट स्राेतले जानकारी दिएको हो।
