किमलाई ट्रम्पको जवाफ : तिम्रो भन्दा मेरो आणविक बटन ठूलो र शक्तिशाली छ
अमेरिकी राष्ट्रपति डोनाल्ड ट्रम्पले उत्तर कोरियाली सर्वोच्च नेता किम जोङ उनलाई आफूसँग रहेको आणविक बटन ‘ठूलो र शक्तिशाली’ भएको चेतावनी दिएका छन् । समाजिक संजाल टविटरबाट जवाफ दिदै उनले जवाफ दिएको हो ।नयाँ वर्षको पूर्वसन्ध्यामा किम जोङ उनले टेलिभिजन सम्बोधनका क्रममा अमेरिकालाई चेतावनी दिँदै आणविक बटन सँधै आफ्नो डेस्कमा हुने बताएका थिए ।
आफ्नो बटनले ‘काम पनि गर्ने’ भन्दै उत्तर कोरियाली परमाणु हतियारमा भर नगर्ने सुझाव पनि दिएका छन् । ट्रम्पले लेखेका छन् -‘उत्तर कोरियाली नेता किम जोङ उनलेह हालै ‘आणविक बटन सँधै मेरो डेस्कमा हुन्छ’ भनेका छन् । उनको कमजोर र खान नपाएको शासनमा कृपया कसैले उनलाई बताइदिए हुन्थ्यो, म सँग पनि उनको भन्दा निकै ठूलो र बढी शक्तिशाली आणविक बटन छ । अनि मेरो बटनले त काम पनि गर्छ !’
