पर्यटन यातायात संघको अध्यक्षमा रामशरण कार्की निर्वाचित
काठमाडौं : नेपाल पर्यटन यातायात व्यवसायी संघ(एकटीभिए) को अध्यक्षमा रामशरण कार्की निर्वाचित भएका छन् ।काठमाडौंमा बसेको संस्थाको १४ औं वार्षिक साधारणसभाबाट कार्की अध्यक्षमा निर्विरोध चयन भएका हुन् । यस्तै, प्रथम उपाध्यक्षमा तिलक लोहार, द्धितीय उपाध्यक्षमा कैलाश कार्की, महासचिवमा सन्तोष न्यौपाने, सचिवमा प्रकाश सापकोटा र कोषाध्यक्षमा शंखनारायण महर्जन निर्वाचित भएका छन् ।
कार्यसमिति सदस्यहरुमा काजी थापा, भरत तिमिल्सिना, प्रतिकार कार्की, सम्भुप्रसाद खकुरेल र अनिल मोक्तान चयन भए। पदाधिकारी लगायत सम्पूर्ण सदस्यहरु सर्वसम्मत रुपमा निर्वाचित भएका हुन् । कार्यक्रम उद्घाटन गर्दै पूर्व सूचना तथा सञ्चारमन्त्री अग्नीप्रसाद सापकोटाले नयाँ बन्ने बाम गठबन्धनको सरकारले ५० लाख पर्यटक भित्र्याउने लक्ष्य सहित अगाडि बढ्ने दावी गरे ।
साभारण सभाको अवसरमा एनटीभिएले पर्यटन प्रबर्धन गराउन आमसञ्चार माध्यमका तर्फबाट उल्लेखनीय योगदान पुर्याएको भन्दै न्युज २४ टेलिभिजनका संगम बानिया, राजधानी दैनिकका मधुजंग पाण्डे र शिखरपोष्टका प्रकाश खालिङलाई सम्मान गरेको थियो ।
