म पूर्वराजा ज्ञानेन्द्रलाई भेटेको छैन : खुमबहादुर
काठमाडौं : नेपाली काँगेसका प्रभावशाली नेता एबं केन्द्रीय सदस्य खुम बहादुर खड्काले आज प्रकाशित एक समाचारको खण्डन गर्नुभएको छ । हिन्दु राष्ट्र र राजसंस्था फर्काउने उद्घोष गरेका छन् भन्दै केहि अनलाइन सन्चार माध्यमले पूर्वराजा ज्ञानेन्द्र शाहलाई भेटेको खबर प्रकाशित गरेपछि उँहाले उक्त समाचारको खण्डन गर्नु भएको हो ।
केहि अनलाइन सन्चार माध्यमले हिन्दु राष्ट्र र राजसंस्था फर्काउने अभियान थालेको भन्दै प्रायोजित समाचार प्रति खड्काले कुरा गर्दै गम्भिर आपत्ती जनाउनुभएको छ । यस्ता भ्रामक र कपोकल्पित समाचारहरु प्रकाशित नर्गन समेत उँहाको आग्रह छ ।
समाचारमा सनातन हिन्दुराष्ट्र अभियानको टोलीसहित पूर्वराजा ज्ञानेन्द्र शाहलाई भेटेर राजसंस्था, र हिन्दुराष्ट्रको पक्षमा आफु अडिग रहेको भन्ने कपोकल्पित समाचार प्रकाशित भएको थियो ।
समाचारमा हिन्दुराष्ट्र अभियानका सदस्य लक्ष्मण घिमिरेले देश माओवादीमय भएको र नेपाली काँग्रेस पार्टी सामान्य निर्णयसमेत नगरी माओवादीकै एजेण्डाको वरिपरि घुमेकाले अब हिन्दुराष्ट्र र राजतन्त्रको पुर्नस्थापनाको अपरिहार्यता रहेको भन्दै खबर प्रकाशित भएको थियो ।
