त्यसअघि टस हारेर पहिले ब्याटिङको निम्तो पाएको नेपालले ३६.१ ओभरमा सवै विकेट गुमाएर ८९ रनमा समेटिएको थियो ।

नेपालका लागि कुनैपनि ब्याट्सम्यानले गतिलो प्रदर्शन गर्न सकेनन् । कप्तान पारस खड्का र उपकप्तान ज्ञानेन्द्र मल्ललाई आराम दिइएको खेलमा बसन्त रेग्मीले जोडेको २१ रन नेपालको सर्बाधिक स्कोर रह्यो ।

उनीसँगै दीलिप नाथले १६, दीपेन्द्र सिंह ऐरीले १२ कुशल भुर्तेलले १० तथा सागर पुनले ९ रन मात्रै जोड्न सके।अनिलकुमार साह र शरद भेषावकर शुन्य रनमा आउट भएको खेलमा सोमपाल कामी, सन्दीप लामिछाने र ललितसिंह भण्डारीले एक रन मात्रै जोड्न सके।

अमेरिकाका जपेन पटेलले ४, रोय सिल्भा र नास्थुस केन्जीगीले समान २ विकेट लिए । विश्व क्रिकेट लिग च्याम्पियनसिप अन्तर्गत यूएर्इसँगको अन्तिम चरणको खेल खेल्न नेपाली टोली हाल यूएर्इमा रहेको छ।

यूएर्इ विरुद्धको खेल अघि नेपालले अमेरिका र केन्यासँग अभ्यास खेल खेल्ने कार्यक्रम रहेको छ। नेपालले केन्यासँग पर्सि अाइतबार खेल्नेछ ।