एयर चाइनाद्वारा उत्तर कोरियाको उडान बन्द
एयर चाइनाले उत्तर कोरियासँगको उडान बन्द गरेको छ । ग्राहक संख्या नभएको भन्दै सो एयरलाइन्सले उडान बन्द गरेको हो । सो विमान कम्पनीले उत्तर कोरियामा साताको दुई उडान भर्दै आएको थियो ।
यसअघि अप्रिलमा पनि एयर चाइनाले उत्तर कोरियासँगको उडान बन्द गरेको थियो । तर मे ५ मै पुनः सञ्चालन भएको थियो । यसलाई उत्तर कोरियामाथि थप दबाब सिर्जना गर्न चालिएको कदमको रुपमा पनि हेरिएको छ ।
यद्यपि चिनियाँ विदेश मन्त्रालयका प्रवक्ता लु काङले भने यो विषय आफूलाई थाहा नभएको बताएका छन् । एजेन्सी
