भोलिबाट प्रचण्ड चुनावी कार्यक्रममा सहभागी हुने
काठमाडौं : पुत्रशोकमा रहेका माओवादी केन्द्रका अध्यक्ष पुष्पकमल दाहाल प्रचण्ड मंगलबारबाट चुनावी सभामा सहभागी हुने भएका छन् । समवेदना व्यक्त गर्न लाजिम्पाटस्थित आफ्नो निवासमा आइपुगेका नेकपा एमालेका शीर्ष नेताहरुलाई अध्यक्ष प्रचण्डले मंगलबारबाट चुनावी कार्यक्रममा सहभागी हुने जानकारी गराएका हुन् ।
अध्यक्ष ओलीसहित एमालेका शीर्ष नेताहरु लाजिम्पाट पुगेर दाहाल परिवारप्रति समवेदना व्यक्त दिवगंत प्रकाश दाहालप्रति श्रद्धाञ्जली दिएका थिए । प्रचण्ड पुत्र प्रकाशको आइतबार ३६ वर्षको उमेरमा निधन भएको थियो । पुत्रशोकमा रहेका प्रचण्ड मंगलबार चितवनमा हुने चुनावी सभामा सहभागी हुन लागेका हुन् ।
यद्यपी उनले सभालाई सम्बोधन भने गर्ने छैनन् । दिवगंत प्रकाशलाई श्रद्धाञ्जली दिएर सुरु हुने सभालाई माओवादीका रामबहादुर थापा र एमाले अध्यक्ष ओलीसहितका नेताहरु सम्बोधन गर्नेछन् ।
