खो खो विश्वकपमा नेपालको पुरूष र महिला दुवै टोली फाइनलमा
काठमाडौं । नेपाली पुरुष टोली खो खो विश्वकपको फाइनलमा प्रवेश गरेको छ ।
भारतको इन्दिरा गान्धी रंगशालामा भएको सेमिफाइनलमा इरानलाई ७२-२० ले हराउँदै नेपाली पुरुष टोली फाइलनमा पुगेको हो ।
नेपाली महिला टोलीले यसअघि सेमिफाइलनमा युगान्डालाई ८९-१८ अंकले पराजित गर्दै फाइलनमा स्थान सुनिश्चित गरिसकेको छ ।
आज पुरूष र महिला दुवै टोलीको फाइनल खेल हुँदैछ र दुवैतर्फ नेपालले उपाधिका लागि भारतसँग प्रतिस्पर्धा गर्नेछ ।
महिलातर्फको फाइनल बेलुका ७ बजे सुरु हुनेछ । पुरुषतर्फको फाइनल त्यसलगत्तै राति ८:१५ बजे सुरु हुनेछ । दुवै खेल नयाँ दिल्लीस्थित इन्दिरा गान्धी इन्डोर हलमा हुनेछ ।
