चन्द्रागिरिमा मोटरसाइकल सडकबाट खस्यो, एक जनाको मृत्यु
१ पुस, काठमाडौं। चन्द्रागिरि नगरपालिका–२ मसिनेस्थित सडकबाट करिब ७० मिटर तल मोटरसाइकल खसेको छ ।
बा ३३ प ३६८ नम्बरको मोटरसाइकल सडकबाट खस्दा चालकको मृत्यु भएको छ । मृत्यु हुने चालकमा धादिङको धुनिबेशी नगरपालिका–७ घर भएका २६ वर्षीय टिकाराम तामाङ छन् ।
आइतबार राति दुर्घटनामा परेर गम्भीर घाइते भएका उनलाई उपचारका लागि राष्ट्रिय ट्रमा सेन्टरमा ल्याइएको थियो । उनको उपचारकै क्रममा मृत्यु भएको प्रहरीले जनाएको छ ।
