शिक्षा विधेयक चाँडो ल्याउनुपर्छ : उपसभामुख राना
काठमाडौँ : उपसभामुख इन्दिरा रानाले शिक्षा विधेयक चाँडो ल्याउनुपर्ने बताएकी छन्।
मंगलवार ललितपुरमा कानून निर्माण तथा संसदीय निगरानीमा समितिहरूको प्रभावकारिताबारे छलफलमा बोल्दै उनले यस्तो बताएकी हुन्। उनले अहिलेसम्म शिक्षा विधेयक बन्न नसक्नु दुःखद भएको बताइन्। उनले शिक्षा नीतिले देशको भविष्य निर्धारण गर्ने भन्दै राम्रो नीति बनाउनुपर्नेमा जोड दिइन्। उनले स्वदेशमै रोजगारी वृद्धि गरी युवा जनशक्तिलाई देश विकासमा लगाउनुपर्ने बताइन्।
उपसभामुख रानाले भनिन्‚ ‘अहिलेसम्म हाम्रो शिक्षा विधेयक बनेको छैन। उहाँहरूले रोजगारका कुरा गर्नुभएको छ। हामी पश्चिमी मुलुकमा जान तयार बनाउँछौँ। अहिले टेन प्लस टुका स्टुडेण्ट हेर्ने हो भने सबै विदेश जान प्रिपेयर गरिरहेका छन्। शिक्षा नीति चाँडोभन्दा चाँडो हाम्रो विधेयक बन्नुपर्छ।’
उपसभामुख रानाले शिक्षाको विकासका लागि सबै एकजुट हुनुपर्ने बताइन्।
