क्रान्तिकारी कम्युनिस्ट पार्टीको राष्ट्रिय एकता महाधिवेशन उद्घाटन (तस्बिरहरू)
काठमाडौँ । क्रान्तिकारी कम्युनिस्ट पार्टीको राष्ट्रिय एकता महाधिवेशन उद्घाटन भएको छ । सो पार्टीको राष्ट्रिय एकता महाधिवेशन पार्टी अध्यक्ष मोहन वैद्यले काठमाडौँको भूगोल पार्कमा उद्घाटन गरेका हुन् ।
महाधिवेशनअघि मध्यान्ह १२ बजे शान्तिबाटिकामा जम्मा भएर जुलुससहित न्यूरोडस्थिति भूगोल पार्कमा पुगेर सो पार्टीको र्याली सभामा परिणत भएको थियो ।
मङ्सिर २३ गतेसम्म सञ्चालन हुने महाधिवेशनको बन्दसत्रमा अध्यक्ष मोहन वैद्यले पेस गर्ने राजनीतिक तथा साङ्गठनिक प्रतिवेदनमाथि छलफल गरी परिमार्जनसहित पारित हुने जनाइएको छ । महाधिवेशनमा देशभरबाट साढे तीन सय प्रतिनिधि सहभागी हुने जनाइएको छ ।
