एमाले प्रदर्शनको तयारीसँगै काठमाडौँको ट्राफिक व्यवस्थापन अस्तव्यस्त (तस्बिरहरू)
काठमाडौँ । सत्तारूढ नेकपा एमालेले नै दरबार मार्गमा प्रदर्शनको तयारी गरेसँगै काठमाडौँको ट्राफिक व्यवस्थापन अस्तव्यस्त बनेको छ । एमालेले दरबारमार्गमा स्टेज बनाएर भद्रकालीबाट र्याली निकाल्ने घोषणा गरेर प्रदर्शनको तयारी गरेसँगै काठमाडौँको ट्राफिक व्यवस्थापन चुनौतीपूर्ण बनेको हो ।
“हाम्रै भोटले उनीहरू सरकारमा गए अहिले उनीहरूले नै आन्दोलन गरेर हामीलाई दुःख दिइरहेका छन् । आखिर यो शक्ति प्रदर्शन कसको लागि ?” सुन्धारा क्षेत्रमा भेटिएका एक सर्वसाधारणले भने ।
अहिले काठमाडौँका मुख्य स्थानहरू न्यूरोड, शहिदगेट, सुन्धारा, जमल, भृकुटीमण्डप, भद्रकाली, त्रिपुरेश्वर, सिंहदरबार क्षेत्रमा अत्यधिक जाम छ ।
