सुनसान बन्यो काठमाडौँ : १३ लाख मानिस बाहिरिए
संघीय राजधानी समेत रहेको काठमाडौं उपत्यका सुनसान बनेको छ । एक सातामा मात्र काठमाडौँ उपत्यकाबाट १३ लाख मानिस बाहिरिएका छन् ।
नेपाल यातायात व्यवसायी राष्ट्रिय महासङ्घका अनुसार उक्त सङ्ख्या शुक्रबार सम्मको हो ।
अठार लाख मानिस दसैँ मान्न काठमाडौँ उपत्यकाबाट बाहिरिने अपेक्षा गरिएकामा बाढीपहिरोका कारण १३ लाखको हाराहारीमा मानिस बाहिरिएका महासङ्घका अध्यक्ष विजय स्वारले जानकारी दिए ।
दसैँमा १५ देखि १८ लाख मानिस उपत्यकाबाट बाहिरिने अनुमान थियोे तर विभिन्न स्थानमा बाढीपहिरोका कारण सडक अवरुद्ध भएकाले जोखिम मोलेर पनि १३ लाख बाहिरिएका हुन् ।
अघिल्लो वर्षको दसैँमा १८ लाख मानिस काठमाडौँबाट बाहिरिएका थिए ।
