दुःखद घडीमा चीन नेपाली जनताको साथमा छ–राजदूत सोङ
काठमाडौँ । नेपालका लागि चिनियाँ राजदूत चेन सोङल दुःखद घडीमा चीन नेपाली जनताको साथमा रहेको उल्लेख गरेका छन् ।
काठमाडौँमा रहेको हुवाइ कार्यालय निरीक्षण गर्न पुगेका राजदूत सोङले हुवाइका इञ्जिनियरहरुले यस सङ्कटको समयमा सबै सञ्चार आवश्यकताहरूलाई सहयोग गरिरहेको उल्लेख गरेका छन् ।
बाढी र पहिरोबाट प्रभावित सबै मोबाइल सञ्चार स्टेसनहरू मर्मत गर्न इन्जिनियरहरूले हिजो रातीदेखि नै दैनिक २४ घण्टा काम गरिरहेको उनले उल्लेख गरेका छन् ।
चीनको हुवावे कम्पनीले नेपाल टेलिकम र एनसेलसँग काम गरिरहेको छ । नेपालको ‘टेलिकम्युनिकेसन’ उद्योगमा ‘अपरेटर’ कोर सिष्टम’ हुवावेले दिएको छ । हुवावेले नेपाल टेलिकम र एनसेल दुवैको ‘फोर जी’ को ‘कोर सोलुसन’ दिइरहेको छ ।
