टीआरसी विधेयकमाथि विचार गरियोस् भन्ने प्रस्ताव राष्ट्रिय सभाबाट सर्वसम्मतिले स्वीकृत
काठमाडौं, २ भदौ । संघीय संसद्अन्तर्गतको राष्ट्रिय सभाबाट बेपत्ता पारिएका व्यक्तिहरुको छानविन, सत्य निरुपण तथा मेलमिलाप आयोग (तेस्रो संशोधन) विधेयक २०७९ माथि विचार गरियोस् भन्ने प्रस्ताव सर्वसम्मतीले स्वीकृत भएको छ । आज (आइतबार) सरकारको तर्फबाट कानुन, न्याय तथा संसदीय मामिलामन्त्री अजयकुमार चौरसियाले राष्ट्रिय सभामा विधेयक पेश गरेका थिए ।
कानुनमन्त्री चौरसियाले नेपालका कहिले पनि पुनः द्वन्द्व नदोहोरियोस् र सबैलाई मान्य हुनेगरी शान्ति स्थापना होस् भनेर विधेयक ल्याइएको बताए । उनले विधेयक ऐन बनिसकेपछि पारदर्शी ढंगले आयोग बन्ने बताए । उनले टीआरसी विधेयक राष्ट्रिय सभाले सर्वसम्मतिले पारित गर्नेमा विश्वास व्यक्त गरे ।
