‘रामप्रसाद मोच्छु’ नेकपा एमालेबाट उम्मेदवार बन्दै, कांग्रेसबाट सिताराम सांसद उम्मेदवार
सुनसरी स्थित नेपाली कांग्रेसका नेता रामप्रसाद मेहता ‘मोच्छु’ नेकपा एमाले प्रवेश गर्दे प्रदेशसभा सदस्यका लागि उम्मेदवार दिने भएका छन् । उनीसंगै उनका भाईहरु सबै एमाले प्रवेश गर्ने बताइएको छ । तर मेहताले यसबारे औपचारिक रुपमा स्वीकार गरेका छैनन् ।
टेलिफोनमा कुराकानी गर्दै मेहताले भने ‘वर्षौंदेखि कांग्रेसमा राजनीति गरेकोछु तर पार्टीले उपयोग मात्र गरेकाछन् कुनै न कुनै गभ्भिर निर्णय लिन म बाध्य भएको छु’ यद्यपी उनले एमाले प्रवेश गर्ने कुरा औपचारिक रुपमा स्वीकार गरेकाछैनन् ।उनले भने ‘यो लुकाउने कुरा होइन तपाईलाई थाह भइहाल्छ, अहिले नै म केहि भन्ने अवस्थामा छैन् ।’
तर समाचार श्रोतले भने उनी एमालेबाट प्रदेशिक उम्मेदवार सम्म फइनल भइसकेको दावी गरेका छन् । ‘यो सरप्राइज नै हुनेछ’ श्रोतले भन्यो ‘सुनसरी क्षेत्र न २ को प्रदेशसभा ‘ख’ बाट सदस्यमा मेहताले एमालेको तर्फबाट उम्मेदवारी दिनेछन् । उनीसंगै उनका सबै दियादहरु एमालेमा प्रवेस गर्नेछन् ।’
त्यसैगरी यता, सुनसरी क्षेत्र नम्बर ४ मा नेपाली काग्रेसबाट सिताराम मेहता नै सांसद उम्मेदवार हुने भएका छन् । पार्टी सभापति राजिव कोइरला हुने कि मेहता हुने ? यसबिषयमा बहस चल्दै आएको थियो तर श्रोतले भने ‘राजिव कोइरालालाई प्रदेशमा राख्ने कुरा भएको छ । मेहता नै प्रतिनिधिसभा सदस्य उम्मेदवार हुनेछन् ।’
त्यसैगरि लोकतान्त्रीक गठबन्धनबाट सुनसरी क्षेत्र नम्वर १ बाट प्रतिनिधिसभा सदस्यका लागि फोरम नेपालका वरिष्ठ नेता अशोक राई , वाम गठबन्धनबाट एमालेका प्रकाश राई प्रदेशसभा क बाट एमालेका प्रदिप भण्डारी , ख बाट एमाले सचिव भिम आचार्यले उम्मेदवारी दिने तय भइसकेको छ ।
त्यसैगरि क्षेत्र नं २ मा कांग्रेसबाट सिताराम मेहतासगै सोही क्षेत्रको क बाट हेमकर्ण पौडेल खमा राजिव कोईराला, क्षेत्र नं ३ मा विजयकुमार गच्छदारको उम्मेदवारी तय भएपनि क र खको भने बाकि रहेको बताइएको छ । त्यसैगरि कांग्रेसबाटै क्षेत्र नं ४ मा ज्ञानेन्द्रबहादुर कार्की त्यसको ख ताहिर अन्सारीको उम्मेदवारी निश्चित भएपनि क को उम्मेदवारी सहमती भइसकेको छैन् ।
त्यस्तै सुनसरी क्षेत्र न २ मा भने वाम गठबन्धनबाट माआवादी केन्द्रका डमरु सुवेदी हिमालको उम्मेदवारी लगभग तय भएको बताइएको छ । त्यसैगरि गच्छदारको विरुद्धमा एमालेबाट भगवती चौधरीको उम्मेदवारी पर्ने भएको छ । भने सोही क्षेत्रको क मा निलम बस्नेतको उम्मेदवारी तय भइसकेको छ । त्यसैगरि एमालेले क्षेत्र नम्बर ४ मा जगदिश कुसियैत यादवलाई उम्मेदवार बनाउने भएको छ भने त्यसको कमा केशव तिम्सीना र ख माओवादी केन्द्रका जाकिर हुसैन उमेदवार हुने बताइएको छ ।
