क्रिकेटर सन्दीपले विश्वकप खेल्ने, दुई म्याचका लागि वेस्ट इन्डिज पुगे
काठमाडौं । क्रिकेटर सन्दीप लामिछाने टी २० विश्वकप खेल्ने भएका छन् । वेस्ट इन्डिजमा नेपालले खेल्ने दुई म्याचका लागि सन्दीप सोमबार वेस्ट इन्डिज पुगिसकेको क्यानले जनाएकाो छ । अमेरिकाले भिसा नदिएपछि अमेरीकामा नेपालले खेल्ने म्याच खेल्न नपाएपनि वेस्टइन्डिजमा हुने म्याचका लागि सन्दिपले खेल्न पाउने भएका हुन ।
फास्ट बलर प्रतिश जिसीलाई रिजर्भमा राखेर सन्दीपलाई नेपालको स्क्वाडमा समावेश गर्न आइसीसीले अनुमति दिएको छ ।
नेपालले दोस्रो खेल जुन ११ मा श्रीलङ्कासँग अमेरिकाको फ्लोरिडामा खेल्नेछ । त्यसपछि नेपाल वेस्ट इन्डिजको भिन्सेन्टमा जुन १४ मा दक्षिण अफ्रिका र जुन १६ मा बङ्गलादेशसँग खेल्ने छ ।
