भट्टेडाँडामा ट्याक्टर र मोटरसाइकलमाथि खस्यो सुख्खा पहिरो, २ घाइते
१५ जेठ, काठमाडौं । ललितपुरको भट्टेडाँडामा ट्याक्टर र मोटरसाइकलमाथि सुख्खा पहिरो खस्दा दुई जना घाइते भएका छन् ।
घाइते हुनेमा ट्याक्टर र मोटरसाइकल चालक छन् । मोटरसाइकल चालक भने गम्भीर घाइते भएका छन् ।
उनलाई उपचारका लागि ग्वार्कोस्थित बी एण्ड बी अस्पताल पठाइएको जिल्ला प्रहरी परिसर काठमाडौंका एसपी तथा प्रवक्ता नरेशराज सुवेदीले जानकारी दिए ।
ट्याक्टर चालक भने सामान्य घाइते छन् । उनीहरुको पहिचान हुन बाँकी नै छ ।
मकवानपुरबाट चापागाउँतर्फ आउँदै गरेको स१त ७३१८ नम्बरको ट्याक्टर चापागाउँबाट मकवानपुरतर्फ जाँदै गरेको प्रदेश २-०३-००४ प ५६६१ नम्बरको मोटरसाइकलमाथि सुख्खा पहिरो खसेको थियो ।
मंगलबार बिहान पौन १० बजेतिर सुख्खा पहिरो खसेर अवरोध भइरहेको बाटो अहिले खुलाउने प्रयास भइरहेको उनले बताए ।
