श्रम, रोजगार तथा सामाजिक सुरक्षामन्त्री डीपी अर्यालले मंगलबार फिल्म हेरे । फिल्म हेरेपछि उनले रातो सुटकेस बोकेर विदेश जाने दिनको अन्त्यका लागि यसले क्रान्तिको सुरुवात गरेको प्रतिक्रिया दिए । रास्वपा सांसद असिम शाह, महामन्त्री मुकुल ढकालसहित उनी सीडीसी हलमा पुगेका थिए ।

‘फिल्ममा मैले मूलतः दुइटा कुरा पाएँ । पहिलो त यसले वैदेशिक रोजगारीमा जाने हाम्रा युवाको नियतिको कथा प्रस्तुत गर्छ । दोस्रो चाहिं यसले हाम्रो गाउँठाउँमा पारेको प्रभावलाई दुरुस्त उतारेको छ,’ मन्त्री अर्यालले भने, ‘संयोगवश म अहिले यो सबै हेर्ने जिम्मेवार मन्त्रालयको नेतृत्वमा छु । फिल्मले पहाडी बस्तीमा पुरुष नभएको अवस्थालाई जसरी प्रस्तुत गरेको छ । त्यो उत्कृष्ट छ ।’

फिडेल देवकोटाको लेखन तथा निर्देशनमा बनेको फिल्मले सकारात्मक समीक्षा पाइरहेको छ । फिल्मले दर्शकबाट पाएको समीक्षालाई लिएर आफूहरु सन्तुष्ट रहेको निर्माता रामकृष्ण पोखरेलले बताए