नेकपा माओवादी केन्द्रको प्रथम विधान सम्मेलन
नेकपा माओवादी केन्द्रको प्रथम विधान सम्मेलन सुरू भएको छ। मंगलबार दिउँसो काठमाडौंको कमलादीस्थित प्रज्ञा भवनमा विधान सम्मेलन सुरू भएको हो ।
सम्मेलनको प्रधानमन्त्रीसमेत रहेका अध्यक्ष पुष्पकमल दाहाल ‘प्रचण्ड’ ले उद्घाटन गरेका छन्। विधान सम्मेलन तीन दिनसम्म चल्नेछ।
सम्मेलनले पार्टी विधान परिमार्जन गर्ने माओवादीले जनाएको छ । माओवादीले स्थायी कमिटी सदस्य गणेश साहको संयोजकत्वमा विधान मस्यौदा समिति बनाएको थियो ।
समितिले मस्यौदा गरेको विधान पार्टीको तल्लो तहसम्म सर्कुलर गरी सुझाव संकलन गरिएको थियो । पार्टीका नेतृत्वदेखि तल्लो कमिटीहरूले दिएको सुझावमा सम्मेलनमा छलफल गरी निर्णय हुने साहको भनाइ छ ।
विधानसँगै नियमावलीसमेत बनाउनेबारे पनि छलफल हुने उनले बताए । विधानमा केन्द्रीय कमिटीको आकार सानो र चुस्त बनाउने विषयदेखि सिद्धान्तसम्मका कुराहरू समेटिनेछन् ।
