सुनको मूल्य प्रति तोला ५०० रुपैयाँले घट्यो, चाँदीको मूल्यमा पनि गिरावट
सुनचाँदीको मूल्यमा सामान्य गिरावट आएको छ । नेपाल सुनचाँदी व्यवसायी महासंघका अनुसार आज सुनको मूल्य प्रति तोला ५०० रुपैयाँले घटेको हो । यस्तै चाँदीको मूल्य पनि प्रति तोला १५ रुपैयाँले घटेको छ ।
महासंघले सोमबार सुनको मूल्य प्रति तोला १ लाख १७ हजार रुपैयाँ निर्धारण गरेको छ। आइतबार प्रति तोला १ लाख १७ हजार ५०० रुपैयाँमा कारोबार भएको थियो ।
यस्तै चाँदीको मूल्य प्रति तोला १ हजार ४१० रुपैयाँ कायम गरिएको छ। चाँदी आइतबार प्रति तोला १ हजार ४२५ रुपैयाँका दरले किनबेच भएको थियो।
मंसीर १८ गते नेपाली इतिहासमै महँगो बनेको सुनको मूल्य त्यसयता घटिरहेको छ । त्यो दिन सुनको मूल्य प्रति तोला १ लाख २१ हजार ६०० रुपैयाँ पुगेको थियो ।
सोमबार अन्तर्राष्ट्रिय बजारमा सुन प्रति औंस १९९६.९२ डलर र चाँदी प्रति औंस २२.९५ डलरमा कारोबार भइरहेको छ । आइतबार सुनको मूल्य प्रति औंस २००४.५५ डलर र चाँदीको मूल्य प्रति औंस २३ डलर थियो ।
