शाहरुखको स्टारडम धरापमा : अर्जुन कपूरको फिल्मसँग हारे
बलिउड बादशाह उपनामले चिनिने शाहरुखको स्टारडम अब भने ओरालो लाग्न थालेको छ । उनको फिल्महरु भने लगातार
फ्लप हुन थालेका छन । बक्स अफिसमा अर्जुन कपूर र अनिल कपूरको फिल्म मुबारकांको प्रतिस्पर्धा शाहरुख खानको फिल्म जब ह्यारी मेट सेजलसँग थियो । यस्तोमा मुबारकांले जब ह्यारी मेट सेजलसँग तगडा प्रतिस्पर्धा गर्नुका साथै दोस्रो हप्तामा योभन्दा निकै अघि आएको छ ।
ह्यारी मेट सेजलले कूल ६१.०५ करोडको कमाई गर्यो, फिल्म घाटामा गयो । यसको लागत ८० करोड भारु हो । दोस्रो हप्तामा शाहरुखको फिल्म फिल्म चल्न निकै मुश्किल मानिरहेको छ तर मुबारकांले यतिबेला ६.०८ करोडको कमाई गर्यो । जबकी शाहरुखको जब ह्यारी मेट सेजलले दोस्रो हप्तामा २.८५ करोडको कमाई गरेको छ ।
आठौं, नवौं र १० औं दिनमा मुबारकांले वब ह्यारी मेट सेजलभन्दा धेरै कमाई गर्यो । जब ह्यारी मेट सेजलले आठौं दिन ०.७५ करोड, नवौं दिन १.१ करोड र १० औं दिन १ करोड कमाई गर्यो जबकी मुबारकांले आठौं दिन १.०५ करोड, नवौं दिन २ करोड र १० औं दिन ३.०३ करोड रुपैयाँ कमाएको छ । दोस्रो विकेन्डमा मुबारकांका केही शो हाउसफूल पनि भयो तर जब ह्यारी मेट सेटलको भने त्यस्तो हुन सकेन ।
फिल्म जब ह्यारी मेट सेजलले क्रिटिक्सलाई मात्र नभई प्रशंसकलाई पनि निराश गरेको छ । फिल्मको ओपनिङ कलेक्सनको कुरा गर्ने हो भने फिल्मले बक्स अफिसमा पहिलो दिन मात्र १५ करोडको कलेक्सन गर्न सक्यो । फिल्मले धेरैजसो नकारात्मक टिप्पणी मात्र पाइरहेको छ । एजेन्सी
