संघीयताको खिल्ली : नेपाल सरकारद्वार प्रदेशका मुख्यमन्त्रीहरु नियुक्ती !
संघीयताको खिल्ली उडाउँदै नेपाल सरकार लेखिएको लेटरप्याड मार्फत विभिन्न प्रदेश प्रमुखहरुले आआफ्ना प्रदेशका मुख्यमन्त्री नियुक्त गरेका छन् ।
आफूलाई नेपाल सरकारको कर्मचारी झै प्रस्तूत हुँदै केहि प्रदेश प्रमुखहरुले मुख्यमन्त्रीको नियुक्ती दिएका हुन् । देशमा तिन तहको सरकार भए पनि एउटा सरकारले अर्को सरकार नियुक्त गर्ने अधिकार नरहेको प्रावधानलाई मिच्दै नेपाल सरकार लेखिएको लेटरप्याड मार्फत प्रदेश १ र मधेश प्रदेशका प्रदेश प्रमुखले नियुक्ती दिएका छन् ।
संघीयताका जानकारहरुले उक्त नियुक्ती पत्र नै अवैधानिक भएको बताइरहेका छन् । नेपाल सरकारको सिफरिसमा राष्ट्रपति मार्फत नियुक्त भएका प्रदेश प्रमुखहरु राष्ट्रपतिका प्रतिनिधि भए पनि आफूलाई नेपाल सरकारको कर्मचारी झै प्रस्तूत भइरहेका संघीयता विज्ञहरुले बताइरहेका छन् ।
हेर्नुस केहि नियुक्ती पत्रहरु :
सातैवटा प्रदेशमा नयाँ मुख्यमन्त्री नियुक्त
यसैबीच प्रदेश निर्वाचनको जनादेशअनुसार सातैवटा प्रदेशमा नयाँ मुख्यमन्त्री नियुक्त भएका छन् । सातवटै प्रदेशले बुधबार साँझसम्म मुख्यमन्त्री पाइसकेका हुन् ।
मंसिर ४ को प्रतिनिधिसभा र प्रदेश सभा निर्वाचनपछि बनेको एमाले र माओवादीसहितको गठबन्धनले संघीय र प्रदेश सरकार गठन गरेको हो ।
गठबन्धनको भागबण्डाअनुसार प्रदेश १, गण्डकी, लुम्बिनी र सुदूरपश्चिममा एमाले नेतृत्वमा सरकार गठन भएको छ । वाग्मती र कर्णालीमा माओवादी केन्द्रको नेतृत्वमा सरकार गठन हुँदा मधेस प्रदेशमा जसपाले मुख्यमन्त्री पाएको छ ।
निर्वाचन पूर्व कांग्रेस र माओवादी लगायत दलहरू एकातिर तथा एमाले र राप्रपा लगायत दलहरू अर्को गठबन्धन भई चुनावमा गएकोमा सरकार गठनमा भने त्यो तालमेल फेरिएको छ ।
संघ र प्रदेशमा एमाले, माओवादी, राष्ट्रिय स्वतन्त्र पार्टी, राप्रपा, जसपा, जनमतलगायतका पार्टीहरूको सरकार बनेको छ । कांग्रेसले केन्द्रमा पुष्पकमल दाहाल नेतृत्वको सरकारलाई विश्वासको मत दिएर प्रतिपक्षको बेन्चमा बस्ने घोषणा गरेको छ ।प्रदेश सरकारलाई उसले विश्वासको मत दिन्छ कि दिँदैन भन्ने निश्चित भएको छैन ।
सत्तारुढ गठबन्धनमा भएको सहमतिअनुसार प्रदेश १ मा एमालेका हिक्मत कार्की मुख्यमन्त्री नियुक्त भइसकेका छन् । त्यहाँ माओवादीसँग आलोपालो हो कि पाँच वर्ष एकल सरकार एमालेको नेतृत्वमा हुने हो भन्ने सार्वजनिक भएको छैन । प्रदेश २ मा जसपाका सरोज यादवले मुख्यमन्त्रीको नियुक्ति पाइसकेका छन् ।
जहाँ साढे २ वर्षपछि सिके राउत नेतृत्वको जनमत पार्टीलाई मुख्यमन्त्री बनाइनेछ । वाग्मती प्रदेश सरकारको नेतृत्व माओवादीका शालिकराम जमकट्टेलले पाइसकेका छन् । यहाँ आधा कार्यकाल एमालेलाई दिने सहमति छ । गण्डकी प्रदेश सरकारको मुख्यमन्त्री एमालेका खगराज अधिकारी भइसकेका छन् । यहाँ एमालेले पाँच वर्ष एकल नेतृत्व गर्ने भनिएको छ । लुम्बिनी मुख्यमन्त्रीमा एमालेका लीला गिरी नियुक्त भइसकेका छन् ।
कर्णाली प्रदेशको मुख्यमन्त्री माओवादीका राजकुमार शर्मा भएका छन् । यहाँ माओवादीले पाँच वर्ष एकल नेतृत्व गर्ने केन्द्रको निर्णय थियो तर त्यसलाई उल्ट्याउँदै एमालेबाट साढे दुई वर्षपछि मुख्यमन्त्री हुने प्रदेशस्तरीय सहमति भएको छ । सुदूरपश्चिम प्रदेशको मुख्यमन्त्रीमा एमालेका राजेन्द्रसिंह रावल नियुक्त भएका छन् । यहाँ पनि साढे २ वर्षपछि माओवादी केन्द्रलाई नेतृत्व छोड्ने सहमति भएको छ ।
जवकी हुनुपर्ने लेटरप्याड :
