मोडलले २० करोडको रक्सी चोरेको आरोपमा पक्राउ
प्रिसिला लारा ग्वेभारा मोडल मेक्सिकोकी बासिन्दाले एक रोमानियाली–डच साथी ग्याब्रियल डुमित्रुसँगै रेष्टुरेन्टबाट १.५ मिलियन डलर (करिब २0करोड रुपैयाँ) रक्सी चोरेको आरोपमा पक्राउ गरिएको छ ।
यस अघि पनि उनले अघिल्लो वर्ष अक्टोबरमा क्रोएशियाको एल एत्रियो नामको एक विलासी रेष्टुरेन्टबाट वाइन चोरी गरेका थिए ।
ग्वेभारा र डुमित्रुलाई ९ महिनासम्मको खोजीपछि यसैहप्ता पक्राउ गरिएको छ ।
यी दुईले कूल ४५ वटा बोतल चोरेको र तीमध्ये एउटा त १९ औँ शताब्दिको दुर्लभ वाइनको बोतलसमेत रहेको छ ।
ग्वेभाराले रुम सर्भिसको माग गर्दै त्यहाँका वेटरहरुको ध्यान भड्काएकी थिइन् भने अर्कातिर उनका साथीले वाइन राखिएको दराज खोलेर आफ्नो ब्यागमा महँगा बोतल राखेर त्यहाँबाट फरार भएको स्प्यानिस प्रहरीले जानकारी दिएको छ ।
उनीहरुको खोजीमा स्प्यानिस, डच, क्रोएसियन र रोमानियाका प्रहरी परिचालित भएको र यसकासाथै इन्टरपोलको सहयोग पनि मागिएको थियो ।
रिपोर्टका अनुसार उनिहरु क्रोएशियामा बसिरहेको र सीमा पार गर्ने बेला उनीहरुलाई क्रोएशियाको प्रहरीले पक्राउ गरि स्पेन प्रत्यर्पण गरिने तयारी गरिएको छ ।
प्रिसिला मेक्सिकोमा मिस अर्थ–२०१६ पनि भइसकेकी छिन् । उनलाई मेक्सिकन ‘ब्युटी क्विन’ को रुपमा पनि चिनिन्छ । हाल उनी चोरीको केसमा फसेपछि चर्चामा आएकी हुन् ।
