चीनको ग्वाङ्डोङ प्रदेशमा तैरिरहेको क्रेन डुब्दा २७ जना बेपत्ता
ग्वाङ्डोङ प्रान्तमा शनिबार बिहान पानीमा तैरिरहेको क्रेन डुब्दा २७ जना बेपत्ता भएको सामुद्रिक खोज तथा उद्धार केन्द्रले घटना बारे पुष्टि गरेको छ ।
सिन्ह्वाका अनुसार सो तैरिरहेको क्रेन याङजियाङ सहरनजिकैको पानीमा चाबा नामक आँधीबाट जोगिने क्रममा यसको मुरिङ चेन भत्केपछि लंगर तानिएको र खतरामा रहेको अनुगमन प्रणालीले जनाएको छ ।
बेपत्ताहरुको खोजीका लागि आसपासका उद्धार हेलिकप्टर, उद्धार जहाज र व्यापारिक जहाजहरू परिचालन गरिएको छ ।
केन्द्रका अनुसार राति १२ बजेतिर तीन जनाको उद्धार गरिएको थियो भने २७ जना पानीमा डुबेर बेपत्ता छन् ।
न्यूयोर्क पोस्टका अनुसार ६८ माइल प्रतिघण्टाको गतिमा हावा चलेको बताइएको छ ।
