निलम्बन गर्ने सरकारको निर्णयविरुद्ध गभर्नर अधिकारी गए सर्वोच्च अदालत
निलम्बित गर्ने सरकारको निर्णय खारेजीको माग गर्दै नेपाल राष्ट्र बैङ्कका गभर्नर महाप्रसाद अधिकारी सर्वोच्च अदालत गएका छन् ।
आफूमाथिको छानबिन समिति गठन गैर कानुनी भएको भन्दै अन्तरिम आदेशमार्फत सरकारको निर्णय खारेजीका लागि अधिकारी सर्वोच्च गएका हुन् ।
गएको चैत २५ गते सरकारले अधिकारीमाथि छानबिन समिति गठन गरेपछि अधिकारी गभर्नर पदबाट निलम्बित भएका हुन् । अधिकारीको रिट निवेदन तयार गरेर उनका वकिल सर्वोच्च गएका छन् ।
सर्वोच्च स्रोतका अनुसार अधिकारीका तर्फबाट दायर रिट आज दर्ता नहुने भएको छ । रिट भोलि दर्ता भएपछि प्रक्रियाअनुरूप पेसी तोकिने छ ।
