चुनावी तालमेलको लागि मधेश प्रदेशमा गठबन्धनको बैठक
स्थानीय तहको चुनावको तालमेलको लागि मधेश प्रदेशमा गठबन्धनका लागि सत्ता दलहरूको बठक बस्न लागेको छ ।
नेपाली कांग्रेसको मधेश प्रदेश कार्यालयमा मधेश प्रदेशमा आगामी बैशाख ३० गते हुने स्थानीय तहमा पनि चुनावी गठबन्धन र तालमेलबारे छलफल गर्नका लागि सत्तारुढ गठबन्धनको बैठक बस्न लागेको हो ।
बैठकमा चार दलको बैठक बस्न लागेको नेकपा माओवादी केन्द्र मधेस प्रदेशका सचिव योगकुमार बरबरीया जीवनले जानकारी दिए ।सो बैठकमा सहभागी दलले आ-आफ्नो पार्टी संगठनको अवस्थाबारे, चुनावी तालमेल र गठबन्धनको विषयमा छलफल गरिने सचिव बरबरीयाले बताए ।
आज बस्न लागेको गठबन्धन दलको बैठकमा माओवादी केन्द्र, नेपाली काँग्रेस, नेकपा एकीकृत समाजवादी र जनता समाजवादी पार्टी नेपाल दलहरू सहभागिता हुनेछ ।
आजै माओवादी केन्द्रका अध्यक्ष पुष्पकमल दाहाल प्रचण्डको विभिन्न कार्यक्रम रहेकाले बैठक केही ढिला गरी सुरु हुने उनले भने ।
आगामी वैशाख ३० मा हुने स्थानीय तहको निर्वाचनका लागि मधेस प्रदेशमा रहेको चार दलीय गठबन्धनको बैठक पहिलो पटक हुन लागेको छ ।
स्थानीय तहको निर्वाचनका लागि सबै दलका प्रमुख नेताहरू अहिले मधेश केन्द्रित भएका छन् ।
