तीन दिने भ्रमणका लागि आज चिनियाँ विदेशमन्त्री वाङ नेपाल आउँदै
चिनियाँ विदेशमन्त्री वाङ यी आज साँझ नेपाल आउँदै छन् । नेपालको तीन दिने भ्रमणका लागि शुक्रबार साँझ काठमाडौं आउँदै आउन लागेका हुन् ।
दक्षिण एशियाली देशहरुको भ्रमणका क्रममा वाङ नयाँदिल्ली हुँदै शुक्रबार काठमाडौं आउन लागेका हुन् ।नेपाल बसाइको क्रममा चिनियाँ विदेशमन्त्री वाङले राष्ट्रपति विद्यादेवी भण्डारी, प्रधानमन्त्री शेरबहादुर देउवा, परराष्ट्र मन्त्री नारायण खड्का र प्रमुख राजनीतिक दलका शीर्ष नेताहरुसँग भेटवार्ता गर्ने कार्यक्रम रहेको छ ।
भोलि शनिबार नेपाल र चीनबीच दुई पक्षीय वार्ता हुने छ । वार्तापछि चीनले अघि सारेको पूर्वाधार विकास परियोजना ‘बेल्ट एण्ड रोड इनिसिएटिभ’ अन्तर्गतका सहयोग परियोजनाहरुको कार्यान्वयन सम्बन्धि सम्झौतामा हस्ताक्षर हुने कार्यक्रम रहेको छ ।
यस्तै, संयुक्त सीमा निरीक्षण, रसुवागढी र तातोपानी नाका पूर्णरूपमा सञ्चालन, २०७६ सालमा चिनियाँ राष्ट्रपति सी चीनफिङको नेपाल भ्रमणको बेला भएका सम्झौता कार्यान्वयनलगायत विषयमा पनि छलफल हुने बुझिएको छ ।
नेपालबाट घाँस निर्यात गर्नेसम्बन्धी समझदारीमा पनि हस्ताक्षर गर्ने तयारी रहेको परराष्ट्र स्रोतले बताएको छ ।प्रधानमन्त्री शेरबहादुर देउवाले सरकारको नेतृत्व सम्हालेपछि चीनबाट नेपालको भ्रमण गर्ने वाङ विशिष्ट व्यक्ति रहेका छन् ।
