आलियाले भेटिनन् ट्वाइलेट, सडक किनारामै फेर्नुपर्यो पिसाब
फिल्म उड्ता पंजाबका लागि उत्कृष्ट नायिकाको आइफा अवार्ड जित्ने आलिया भट्टले एउटा रमाइलो घटनाको खुलासा गरेकी छिन् । एक अन्तर्वार्ताको क्रममा आलियाले निर्देशक इम्तियाज अलीको फिल्म ‘हाइवे’ को सुटिङको क्रममा उनले सार्वजनिक रुपमा नै पिसाब फेर्नुपरेको बताइन् । उनले भनिन्, ‘वास्तवमा हामी यो फिल्मका लागि घुमक्कडको रुपमा सुटिङ गरिरहेका थियौं । फिल्मको थुप्रै दृश्य हामीले हाइवेमा नै सुटिङ गर्नुपरेको थियो ।’
आलिया थप्छिन्, ‘एकपटक हामी ट्रकमा हाइवेको यात्रा गरिरहेका थियौं तब हामीले निकै राम्रो लोकेशन देख्यौं । हामीले उक्त स्थानको अवलोकन गर्यौं र राम्रो लाइटका कारण केही हिस्सा सुटिङ गर्ने निर्णय गर्यौं । यद्यपी, सुटिङका बेला न त त्यहाँ कुनै ट्वाइलेट थियो न नै भ्यानिटी भ्यान । यस्तो अवस्थामा मैले सडकको किनारामा नै फिसाब फेर्नुपर्यो ।’ एजेन्सी
