प्रधानन्यायाधीश जबराविरुद्ध सम्पत्ति शुद्धीकरणमा डा. केसीद्वारा पूरक निवेदन
प्रधानन्यायाधीश चोलेन्द्र शमशेर जबराविरुद्ध डाक्टर गोविन्द केसीले सम्पत्ति शुद्धीकरण अनुसन्धान विभागमा पूरक निवेदन दिएका छन् ।
प्रधानन्यायाधीश जबराको भाइ प्रभु शमशेर जबराको नाममा अवैध स्रोतको आम्दानीले थप ३० करोडको घरजग्गा खरिद गरेको भन्दै डा। केसीले विभागमा पूरक निवेदन दिएका हुन् ।
निवेदनमा प्रभुका नाममा २०७६ मङ्सिर २४ गते ठमेलमा ८ आना घरजग्गा र २०७९ असोज २० गते गोठाटारमा साढे तीन रोपनी जग्गा खरिद गरेको उल्लेख छ ।
डा. केसीले गत मङ्सिर ११ गते जबराको परिवार तथा आफन्तको सम्पत्ति छानबिनको माग गर्दै विभागमा निवेदन दर्ता गराएका थिए ।
आयोगले अनुसन्धान अधिकृत नै तोकेर जबराको परिवार तथा आफन्तका नाममा रहेको सम्पत्ति छानबिन सुरु गरिसकेको जनाएको छ ।
