नेपाल बारले आजदेखि आन्दोलन ‘भर्चुअल’ माध्यमबाट जारी राख्ने
नेपाल बार एशोसिएशनले कोरोना संक्रमणको जाखिमका कारण आजदेखि आन्दोलन ‘भर्चुअल’ रूपमा गर्ने भएको छ ।
नेपाल बारले न्यायालयको विकृति, विसङ्गतिविरुद्ध गर्दै आएको आन्दोलन कोरोना संक्रमणको जाखिमका कारण माघ ६ गतेदेखि माघ १८ गतेसम्मका लागि आन्दोलनको ‘भर्चुअल’ रुपमा गर्ने भएको हो ।
बारका महासचिव लीलामणि पौडेलले जारी गरेको प्रेस विज्ञप्तिमा कोरोना भाइरसको बढ्दो सङ्क्रमणका कारण आन्दोलनको स्वरूप परिवर्तन गरिएको र यही माघ ६ गतेदेखि माघ १८ गतेसम्मका लागि आन्दोलनको ‘भर्चुअल’ माध्यमबाट निरन्तरता दिने उल्लेख छ ।
बारले कोरोना सङ्क्रमणबाट आम कानुन व्यवसायी, सेवाग्राही, अदालतका न्यायाधीश, कर्मचारीलाई बच्न र बचाउनका लागि आन्दोलन, धर्नाका कार्यक्रमलाई हाललाई आन्दोलनको स्वरूप परिवर्तन गरी भर्चुअलरूपमा गर्न लागेको जनाएको छ ।
