देशभर आज ३०७५ जनामा कोरोना पुष्टि, २ जनाको मृत्यु
नेपालमा कोरोना संक्रमण आगोसरी फैलिदै गइरहेको छ । पछिल्लो २४ घण्टामा मात्रै ३०७५ जनामा कोरोना भाइरस सङ्क्रमण पुष्टि भएको छ ।
स्वास्थ्य तथा जनसङ्ख्या मन्त्रालयका अनुसार पछिल्लो २४ घण्टामा पीसीआर र एन्टिजेन गरी १३ हजार ३६ वटा नमुना परीक्षणमा ३०७५ मा सङ्क्रमण पुष्टि भएको हो ।
कोरोना सङ्क्रमणका कारण पछिल्लो २४ घण्टामा २ जनाको मृत्यु भएको छ । त्यस्तै २७८ जना कोरोना संक्रमणमुक्त भएका छन् ।
देशभर सक्रिय सङ्क्रमितको संख्या ११ हजार ६९० पुगेको छ ।
