बारका अध्यक्ष र सर्वोच्चका न्यायाधीशहरुबीच छलफल जारी
नेपाल बार एशोसिएशन बारका अध्यक्ष र सर्वोच्च अदालतकान्यायाधीशहरुबीच छलफल जारी रहेको छ ।
प्रधानन्यायाधीश चोलेन्द्र शमशेर राणा बिरामी भएर अस्पताल भर्ना भएपछि वरिष्ठत न्यायाधीशलाई कायममुकायम नतोकिएको भन्दै नेपाल बारले आपत्ति जनाएपछि सर्वोच्चका न्यायाधीशहरु र दुवै बारका अध्यक्षबीच छलफल सुरु भएको हो ।
सर्वोच्च अदालतका न्यायधीशहरु र नेपाल बार एशोसिएशनका अध्यक्ष चण्डेश्वर श्रेष्ठ तथा सर्वोच्च बार एशोसिएशनका अध्यक्ष पूर्णमान शाक्यबीच छलफल जारी रहेको छ ।
नेपाल बारले प्रधानन्यायाधीशले काम गर्न नसकेको अवस्थामा वरिष्ठतमलाई जिम्मेवारी दिनुपर्ने संवैधानिक प्रावधानको उल्लंघन भएको जिकिर गर्दै वरिष्ठतम न्यायाधीशलाई कार्यवाहक प्रधानन्यायाधीशको जिम्मेवारी दिन माग गरेको छ ।
सर्वोच्चमा गोलाप्रथाबाट पेशी तोकिए पनि वरिष्ठलाई कार्यवाहक नदिएको भन्दै हिजो न्यायाधीशले मुद्दाको सुनुवाइ रोकेका थिए । आज सर्वोच्च अदालतमा कुनै पनि मुद्दाको पेशी तोकिएको छैन् ।
