आज कांग्रेसको रामचन्द्र पौडेल पक्षको केन्द्रीय समिति बैठक
नेपाली कांग्रेसको महाधिवेशन नजिकिदैँ गर्दा कांग्रेसका वरिष्ठ नेता रामचन्द्र पौडेल पक्षको केन्द्रीय सदस्यहरुको बैठक बस्ने भएको छ ।
केन्द्रीय कार्यसमिति बैठक बस्नु अघि नेता पौडेलले आफू पक्षीय केन्द्रीय सदस्यहरुलाई छलफलका लागि बोलाएका हुन् ।
बैठक आज दिउँसो बस्ने पौडेल निकट केन्द्रीय सदस्य गुरु घिमिरेले बताए ।पौडेल समूहले केन्द्रीय समिति बैठकमा आफ्नो समूहबाट साझा धारणा बनाएर प्रस्तुत हुन केन्द्रीय सदस्यहरुको बैठक बोलाएको जनाएको छ ।
बिहीबार मात्रै कांग्रेस सभापति एवं प्रधानमन्त्री शेरबहादुर देउवाले पनि आफूनिकट पदाधिकारीसँग छलफल गरेका थिए ।
