सर्वोच्चको फुलकोर्ट आज, १४ न्यायाधीशले बहिष्कार गर्ने
सर्वोच्च अदालतका न्यायाधीशहरुको पूर्ण बैठक आज बस्दै छ ।
प्रधानन्यायाधीश चोलेन्द्रशमशेर जबराले आज (सोमबार) दिउँसो साढे १ बजेका लागि फुलकोर्ट बोलाएका हुन् ।जबराले आजको बैठकमा नेपाल बार एसोसिएसनका पदाधिकारीलाई समेत बोलाएका छन् ।
यद्यपि सर्वोच्चका १४ जना न्यायाधीशहरुले आजको बैठक बहिस्कार गर्दै छन् ।प्रधानन्यायाधीशले आफूविरुद्ध उठेका सबै प्रश्नको उत्तर फुलकोर्टमार्फत दिने बताएका छन् ।
हिजो बसेको १४ न्यायाधीशको बैठकले प्रधानन्यायाधीशमाथि उठेका नैतिक प्रश्नको हल नहुँदासम्म उनैले बोलाएको बैठकमा सहभागी हुन नसकिने निर्णय गरेको थियो ।
सत्तारुढ गठबन्धनसँग भाग खोजेको आरोप लागेपछि प्रधानन्यायाधीश जबरालाई राजीनामा दिन दबाब बढ्दै गएको छ ।
