धरानमा पहिरोमा पुरिएर दुई बालबालिकाको मृत्यु
प्रदेश नं १ स्थित सुनसरीको धरानमा पहिरोमा पुरिएर दुई बालबालिकाको मृत्यु भएको छ । अविरल वर्षासँगै खसेको पहिरोले घर पुरिँदा धरान उपमहानगरपालिका(१३ नागेश्वर मार्ग बस्ने निसान राईकी ८ वर्षीया छोरी निसु र ४ वर्षीय छोरा निहान राईको मृत्यु भएको हो ।
मंगलबार दिउँसो पौने २ बजे पहिरो खस्दा टिनको घर पुरिएको थियो । पहिरोमा दुई जना बालबालिका बेपत्ता भएका थिए ।घटनाको जानकारी पाए लगतै इलाका प्रहरी कार्यालय धरानबाट उद्धारको लागि प्रहरी टोली खटिएको थियो ।
उद्धारमा खटिएको प्रहरी टोलीले दिउँसो साढे ३ बजे दुवै जना बालबालिकालाई मृत अवस्थामा फेला पारेको प्रदेश प्रहरी कार्यालय विराटनगरले जानकारी दिएको छ ।आइतबारदेखि देशभर अविरल बर्षा भइरहेको छ ।
लगातारको बर्षाका कारण देशमा अहिले बाढी पहिरोकेो कारण मानिसले ज्यान गुमाइरहेका छन् । साथै अविरल बर्षाका कारण पाकेको धान खेतिमा ठूलो क्षति भएको छ भने कति काटेको धान खेतमा नै पानीमा तैरिएको छ ।
