पार्टीका नेता तथा संसद्सहित माधव नेपाल चन्द्रागिरिमा, दस्तावेजलाई अन्तिम रूप दिने तयारी
नेकपा एकीकृत समाजवादी पार्टी दर्ताका लागि निर्वाचन आयोगमा निवेदन दिएका माधवकुमार नेपाल केन्द्रीय सदस्य र सांसद्सहित चन्द्रागिरि पुगेका छन्।
नयाँ पार्टीको घोषणापत्र, विधान र नियमावलीको काम टुंग्याउन उनीहरु चन्द्रागिरि पुगेका हुन्।
‘अस्ति हतारमा पार्टी दर्ताका लागि निवेदन दियौं। घोषणापत्र, विधान र नियमावलीको काम पूरा गर्न पाएका थिएनौं। अब त्यसलाई टुंग्याएर मात्रै फर्किने छौं’, एक सांसद्ले भने।
नेपालको टोली आज त्यही बस्ने छ। काम सकिए भोलि काठमाडौं फर्किने र नसकिए भोलि पनि त्यहीँ बस्ने उनले बताए।
निर्वाचन आयोगले नेपाल पक्षलाई बुधबार सनाखतका लागि बोलाएको छ।
