राष्ट्रपतिद्वारा बागमती प्रदेश प्रमुखमा यादवचन्द्र शर्मा नियुक्त, विष्णु प्रसाई पदमुक्त
राष्ट्रपति विद्यादेवी भण्डारीले बागमती प्रदेशमा यादवचन्द्र शर्मालाई प्रदेश प्रमुखमा नियुक्त गरेकी छन् । सरकारको सिफारिसमा राष्ट्रपतिले शुक्रबार शर्मालाई प्रदेश प्रमुखमा नियुक्त गरेकी हु्न् ।
राष्ट्रपति कार्यालयले शुक्रबार जारी गरेको विज्ञप्तिमा संविधानको धारा १६३ को उपधारा २ बमोजिम संखुवासभाका शर्मालाई प्रदेश प्रमुखमा नियुक्त गरेको उल्लेख गरिएको छ ।
यस्तै राष्ट्रपतिले केपी ओली सरकारले नियुक्त गरेको विष्णु प्रसाद प्रसाईलाई पदमुक्त गरेकी छिन् । राष्ट्रपति कार्यालयले जारी गरेको विज्ञप्तिमा संविधानको धारा १६५ को उपधारा १ को खण्ड ख अनुसार प्रसाईलाई पदमुक्त गरेको उल्लेख गरिएको छ ।
