लुम्बिनी प्रदेशमा आज नयाँ मुख्यमन्त्री चयन हुँदै, कुलप्रसाद केसी मुख्यमन्त्री बन्ने पक्का
लुम्बिनी प्रदेशमा आज विपक्षी गठबन्धनले नयाँ सरकार गठनका लागि दावी पेश गर्दैछन् ।
मुख्यमन्त्री शंकर पोखरेलले हिजो राजीनामा दिएपछि प्रदेश प्रमुख अमिक शेरचनले आज दिउँसो तीन बजेभित्र नयाँ सरकार गठनका लागि दावी पेश गर्ने समय दिएका छन् ।
कांग्रेस, माओवादी, जसपा र राष्ट्रिय जनमोर्चाको गठबन्धनले सरकारको नेतृत्वमा दाबी पेस गर्न लागेको हो ।विपक्षी गठबन्धनले माओवादी केन्द्र संसदीय दलका नेता कुलप्रसाद केसीलाई नयाँ मुख्यमन्त्रीको रुपमा अघि सारेका छन् ।
तर कांग्रेस र माओवादीबीच आठ-आठ महिना सरकारको नेतृत्व गर्ने सहमति भएकाले केसी आठ महिना मात्रै मूख्यमन्त्री रहने छन् ।
लुम्बिनी प्रदेशको मूख्यमन्त्री पनि माओवादीले हात पार्ने अवस्था बनेपछि सात वटा प्रदेश मध्ये माओवादी ३ वटा प्रदेशमा सरकार बनाउन सफल हुने छ ।
