सोमबार सुनको मूल्य तोलामा एक हजारले घट्यो
सोमबार नेपाली बजारमा सुनको मूल्य तोलामा १ हजार रुपैयाँले घटेको छ ।छापावाला सुनको मूल्य तोलामा एक हजार रुपैयाँले घटेर ८९ हजार रुपैयाँमा कारोबार भइरहेको नेपाल सुनचाँदी व्यवसायी महासङ्घले बताएको छ ।
आइतबार छापावाला सुनको मूल्य तोलाको ९० हजार थियो ।साथै तेजाबी सुनको मूल्य तोलामा पनि एक हजार रुपैयाँले घटेको छ ।
आइतबार तेजाबी सुनको मूल्य ८९ हजार पाँच सय ५० रुपैयाँका कारोबार भएको सुन आज एक हजार घटेर आज ८८ हजार पाँच सय ५० रुपैयाँमा कारोबार भइरहेको महासंघले जनाएको छ ।
यस्तै चाँदीको मूल्य तोलामा २५ रुपैयाँले घटेर १२ सय १५ रुपैयाँमा कारोबार भइरहेको छ ।
