गृहमन्त्री खाण र मुख्यमन्त्री लालबाबु राउतबीच भेटवार्ता
प्रदेश नं २ का मुख्यमन्त्री लालबाबु राउत र गृहमन्त्री बालकृष्ण खाणबीच भेटवार्ता भएको छ ।
मङ्गलबार साँझ गृह मन्त्रालयमा भएको भेटवार्तामा कोभिड नियन्त्रणका लागि सङ्घीय सरकार र प्रदेश सरकार सहकार्य गरेर अगाडि बढ्नेबारे छलफल भएको हो ।
गृहमन्त्री खाणले भेटमा सङ्घीय सरकार र प्रदेश सरकारको सम्बन्धलाई मजबुद गरी देश र जनताको पक्षमा काम गर्ने बताएका थिए ।
गृहमन्त्री खाणले भेटमा कोभिड-१९ नियन्त्रणका लागि प्रदेश २ मा पर्याप्त मात्रामा खोप उपलब्ध भए पनि प्रयोग नभएको भन्दै प्रदेश २ का जनतालाई खोप लगाउनका लागि प्रदेश सरकारले उत्प्रेरित गर्न मुख्यमन्त्री राउतसँग आग्रह गरेका थिए ।
