फिलिपिन्समा सैनिक विमान दुर्घटना हुँदा कम्तीमा १७ जनाको मृत्यु
फिलिपिन्समा सैनिक विमान दुर्घटना हुँदा कम्तीमा १७ जनाको मृत्यु भएको छ ।
फिलिपिनी एयर फोर्सको ८५ जना सैनिकसहित उडेको विमान दुर्घटनामा परी कम्तिमा १७ जनाको मृत्यु भएको न्यूयोर्क टाइम्सले बताएको छ ।
फिलिपिन्सको दक्षिणी आइसल्यान्ड जोलोमा आइतबार दुर्घटना भएको र कम्तिमा १७ जनाको मृत्य भएको अधिकारीहरूलाई उद्धृत गर्दै न्यूयोर्क टाइम्सले बताएको छ ।
मृतकको संख्या अझै बढ्ने सम्भावना रहेको अधिकारीहरूले बताएका छन् ।फिलिपिनी सैन्य प्रमुख सिर्लिटो सोबेजनाले अवतरणका क्रममा विमान धावनमार्ग गुमाएर दुर्घटनामा परेको बताएका छन् ।
हालसम्म ४० जनाको उद्धार गरिएको जानकारी दिँदै आफूहरूले पूर्ण कोसिस गरिरहेको उनले बताएका छन् ।साथै यस अगाडि दुई महिना अघि फिलिपिन्समा एउटा सेनाको जहाज दुर्घटना भएको थियो ।
