गृह मन्त्रालयमा जसपाको कुरा अडकियो, सपथको तयारीमा रहेका यी हुन् जसपाका नेताहरु
गृह मन्त्रालयको नेतृत्व आफूहरुले पाउनुपर्ने अडान राखेपछि जनता समाजवादी पार्टी र प्रधानमन्त्री केपि शर्मा ओलीबीचको वार्ता लम्बिएको छ ।
प्रधानमन्त्रीले गृह मन्त्रालय आफ्नै पार्टीको भागमा राखी इश्वर पोखरेल जिम्मेदारी दिने वा महेश बस्नेतलाई नयाँ मन्त्रीको रुपमा भित्र्याने तयारीमा रहेका छन् । तर जसपाका नेताहरुले भने उक्त मन्त्रालय आफूहरुले पाउनुपर्ने अडान राखेका छन् ।
जसपा महन्थ ठाकुर पक्षका १० जना नेताहरुले मन्त्री पदको शपथ लिने तयारी गरेका छन् । ८ जनाले मन्त्री र २ जनाले राज्यमन्त्रीले शपथ लिने तयारीमा रहेको बालुवाटार श्रोतको दावी छ ।
जसपा नेताहरु अन्तिम छलफल गर्न शुक्रवार दिउँसो बाुवाटार पुगेका हुन् अझैसम्म मन्त्रालयको भागबण्डा मिलि नसकेको श्रोतको दावी छ । जसपाका वरिष्ठ नेता राजेन्द्र महतोको नेतृत्वमा १० जना सरकारमा सहभागी हुन लागेका हुन् ।
जसपाले पाएको मन्त्रालय र पठाइएका नेताहहरु :
1. राजेन्द्र महतो- उपप्रधानमंत्री तथा सहरी विकास
2. शरद सिंह भण्डारी- ऊर्जा तथा जसस्रोत
3. अनिल झा- खानेपानी तथा सरसफाई
4. लक्ष्मणलाल कर्ण- भूमि व्यवस्था तथा सहकारी
5. बिमल श्रीवास्तव – श्रम तथा रोजगार
6. उमाशंकर अरगरिया- वन तथा वातावरण
7. चन्दा चौधरी- महिला तथा बालबालिका
8. एकबाल मियां- युवा तथा खेलकूद
9. चन्द्रकान्त चौधरी – ऊर्जा राज्यमंत्री
यसैबीच प्रधानमन्त्री ओलीले एमाले युवा नेता महेश बस्नेतलाई आफ्नो मन्त्रिपरिषदमा समावेश गराउने तयारीमा रहेको बताइएको छ ।
गृहमा आफ्ना विश्वासपात्र बस्नेतलाई ल्याउने ओलीको तयारी रहेको बालुवाटार स्रोतले जनाएको छ ।
जसपाका मन्त्रीहरुसँगै बस्नेतको पनि सपथ हुने बताइएको छ ।
सम्भव भएसम्म आज र नभए आइवार सपथ हुने बताइएको छ ।
