भेरी अस्पतालमा घटेको घटनाको दोषीलाई कारबाही हुन्छ : मुख्यमन्त्री पोखरेल
लुम्बिनी प्रदेशका मुख्यमन्त्री शङ्कर पोखरेलले भेरी अस्पतालमा घटेको दुःखद घटनाका दोषीलाई कारबाही हुने बताएका छन् ।
मुख्यमन्त्री पोखरेलले सामाजिक सञ्जालमार्फत भनेका छन् ”बाँकेको भेरी अस्पतालमा घटेको दुःखद घटनाका सन्दर्भमा गम्भीर ध्यानाकर्षण भएको छ । निष्पक्ष छानविनगरी दोषीमाथि कारबाही हुनेछ ।”
उनले घटनाको निष्पक्ष छानबिन गरिनेसमेत प्रतिबद्धता जनाएका छन् ।कोरोना सङ्क्रमितको उपचारका क्रममा मृत्यु भएपछि भेरी अस्पतालमा मृतकका आफन्तले चिकित्सक र स्वास्थ्यकर्मीमाथि आक्रमण गरेका थिए ।
