अमेरिकाको क्यालिफोर्नियामा अन्धाधुन्ध गोली प्रहारबाट ८ जनाको मृत्यु
अमेरिकाको क्यालिफोर्निया राज्यको एक रेलवे स्टेशन नजिक बन्दुकधारीको अन्धाधुन्ध गोलीप्रहारबाट ८ जनाको ज्यान गएको छ ।
क्यालिफोर्नियाको सैन जोसमा रहेको सान्ता क्लारा स्थित रेल यार्डमा एक बन्दुकधारीले अन्धाधुन्ध गोली प्रहार गरी ८ जनाको हत्या गरेको हो ।रेलवे स्टेशन नजिक रहेका रेलवे कर्मचारीहरुको छलफल चलिरहेकै बेला गोली प्रहार भएको बुझिएको छ ।
गोलीकाण्ड गर्नु अघि ती व्यक्तिले आफनो घरमा आगजनी गरेको बुझिएको छ । बन्दुकधारी प्रहरी कारबाहीमा मारिएका छन् । अमेरिकामा यो बर्षमात्रै २ सय ३० वटा गोली काण्डका घटना भएका छन् ।
